Gjatë intervistës së saj për Adi Krastën në programin “E diell” gazetarja Jonida Shehu është shprehur edhe për darkën për gazetarët e organizuar nga bashkëshortja e Kryeministrit Rama, Linda.
E pyetur nga Krasta lidhur me shprehjen e Kryeministrit “media të kazanit” Shehu u shpreh se ka media të tilla që prodhojnë lajme të pavërteta, por ajo nuk e ndiente veten pjesë të tyre. “E mbaj mend, ka qenë kolegia Anila Basha ajo që i ka thënë: “Zoti Kryeministër, ke deklaruar se jemi media kazani dhe e ke pasur fjalën për portale…”.
Gjeti një justifikim Kryeministri aty për aty dhe tha që “kujt t’i djegë le ta mbajë. Unë e kam pasur fjalën për ato media që nuk verifikojnë lajme përpara se t’i japin, por krijojnë tymnajë dhe po themi lajme më shumë për “like”. Jo, nëse do më digjte nuk do kisha shkuar në atë darkë ndoshta, ose nuk do isha ndier rehat.
Por nuk më dogji, se nuk e ndiej veten pjesë të një media apo të një programi, apo të një lloj kontributi në gazetari për aq sa unë kam që spekulon, ne nuk spekulojmë. Ka shumë që spekulojnë dhe mbase-mbase nëse do ta analizonim mirë deklaratën e kryeministrit, absolutisht nuk është përgjithësuese, por nuk është se nuk ka media që janë të diskutueshme, sidomos në epokën dixhitale dhe me Facebook-un vërdallë”,-përfundoi Shehu.
Ajo e ka realizuar këtë intervistë në një mënyrë mjaft origjinale duke u shfaqur e veshur me fustan nusërie./Express/
