Besnik Dizdari është gazetari shqiptar, i cili prej 30 vitesh përfaqëson Shqipërinë në anketën e revistës “France Football” për Topin e Artë. Ai thotë se votoi për sulmuesin portugez, Cristiano Ronaldo, i cili u shpall për këtë vit fituesi i trofeut.
Ndërsa pas tij renditi Neymar dhe Lionel Messi. Dizdari sqaron për “TV Klan” se vlerësimin e tij e bazoi në trofetë që këta futbollistë kanë marrë gjatë këtij viti, ku dominon Kristiano Ronaldo.
Ylli portugez triumfoi në Champions League dhe Euro 2016, ndërsa Neymar vetëm në Lojërat Olimpike të mbajtura në Rio De Zhaneiro. Sulmuesi portugez mori 745 pikë në total nga juria me 173 gazetarë nga e gjithë bota. Në klasifikimin e përgjithshëm Messi e mbylli i dyti, ndërsa Neymar i pesti.
Cristiano Ronaldo është votuar 137 herë i pari nga gazetarët, Lionel Messi në 13 raste, ndërsa Antonie Giezmann 7 herë.
Një triumf bindës i portugezit, por së bashku me argjentinasin janë zotëruesit e Topit të Artë prej vitit 2008, kur Cristiano Ronaldo e fitoi për herë të parë.
ma.me
