Nënkryetari i LSI-së, Petrit Vasili është bashkuar me protestën e gazetarëve para Kuvendit. Ndërkohë nuk kishte si të mungonte as PD, që përfaqësohet me Luciano Bocin.
Në një prononcim për “News24”, Petrit Vasili ngriti alarmin se me këtë paketë, kryeministri Edi Rama ka për qëllim varrosjen e lirisë së fjalës dhe pengimin e të vërtetës.
Ai u shpreh se kjo betejë e kryeministrit është një betejë tërësisht e humbur si ndaj medias, ashtu edhe ndaj gazetarëve.
“Sot është një ditë që po kërkohet të varroset liria e fjalës. Shumë të drejta janë cenuar, por zënia për fyti e fjalës është më e rënda e të gjithave. Kjo ka një synim: varrosjen e daljes së të vërtetave. Unë kam një bindje se kjo është një betejë e humbur. Sot është një ditë e madhe që përfaqësuesit e mediave janë këtu”-tha ndër të tjera Vasili.
/a.r
