Kryeredaktori i gazetës online Minerva, gazetari Nebil Çika, ka publikuar një shkrim ku thotë se numri dy i PD Arben Ristani e ka kërcënuar me vdekje. “Do të të var për gjuhe” citon Minerva zotin Ristani.
Kërcenimi, sipas shkrimit që po botojmë më poshtë, ka të bëjë me një shkrim që kjo media ka publikuar për Ristanin. Më poshtë artikulli i Minerva:
Arben Ristani Sekretar i Përgjithshëm i PD-se , dhe deputet i Kuvendit te Shqiperisë ka kërcënuar sot me vdekje gazetarin dhe botuesin e gazetës “Minerva” Nebil Çika . Akti kriminal ka ndodhur sot rret ores 11.00 ne oborrin e selisë qendrore te PD-se ne Tiranë, ne kafen brenda tij . Ne prani te dhjetra personave, midis tyre edhe drejtues te larte të PD-se, Sekretari i Përgjithshëm Arben Risatni ka shkuar tek tavolina ku Çika pinte kafe me një mik dhe e kërcënuar atë me vdekje. “Do te var për gjuhe . Do te bej atë qe nuk ta pjell mendja “ dhe një arsenal i tere fjalori kriminal, kane qene fjalët me te cilat numri dy i PD-se ka kërcënuar me vdekje gazetarin për rreth 5 minuta . T parnishem kane qene edhe te paktën dy drejtues te larte te PD-se ,kreu i këshilltarëve ne bashkinë e Tiranes Leonard Olli dhe Sekretari për Aksionin Qytetar, Ervin Salianji te cilët nuk kane reaguar ne moment ndaj këtij skandali . Akti kriminal k shokuar te pranishmit kryesisht drejtues , zyrtare e militante te PD-se te pranishëm ne kafe .
Për kërcënimin nga gazetari Çika ka njoftuar me sms kreun e PD-se Lulzim Basha por ende nuk ka mare një përgjigje apo ne qëndrim publik nga ai .
Botuesi gazetari dhe krejt redaksia e gazetës “Minerva” janë te tronditur nga akt krimin dhe ndjehen realisht te kërcënuar për jetën e tyre dhe te familjeve te tyre .
Akti kriminal i Ristanit është një kërcenim i madh për jetën e gazetarit por edhe një goditje e rende për lirinë e fjalës dhe shtypit ne Shqipëri. Kërcënimi i Ristanit kishte te bënte me detyrën si gazetar te Nebil Cikës, me konkretisht me editorialin e sotëm te Minerva “ Pse nuk shkon dot ne Vlorë Arben Ristani ?” . Rsitani i ka kërkuar gazetarit Çika: “te mos shkruante me për te pasi për ketë arsye do ti merrte jetën ne mënyrën me te keqe te mundshme “.
Redaksia e “Minerva” i bën thirrje kreut te PD-se Lulzim Basha , liderit historik Sali Berisha , kryesisë se PD , Këshillit Kombëtar, grupit parlamentar dhe strukturave te tjera te distancohen nga akti kriminal i Arben Ristanit dhe te marrin masa për te dhe sjelljen e tij kriminale.
Stafi i Minerva i bën thirrje organizatave te gazetareve dhe te mbrojtjes se te drejtave te njeriut te reagojnë ndaj këtij akti te dhunshëm kundër lirisë së shtypit nga përfaqësuesit e larte te politikes .
Kërkojmë gjithashtu mbështetjen e ambasadave te SHBA. BE. OSBE dhe përfaqësitë e tjera te vendeve euroatlantike ne Shqipëri te na mbështesin jo vetëm ndaj kërcënimit te jetës sonë dhe fëmijëve tona por edhe ndaj lirisë se dhunuar te fjalës dhe shtypit nga politika ne Shqipëri.
Ne ndjehemi te kërcënuar por jo te frikësuar . Garantojmë Ristanin , PD-ne dhe krejt politikën se pavarësisht kërcënimit me jete e vdekje ,ne do te vazhdojmë misionin tone te informimit te publikut , fjalës dhe shtypit te lire
