Kritikat për aksionin policor të Maqedonisë në Kumanovë, ku mbetën të vrarë 22 persona, kanë qenë të shumta, por gazetari i njohur populist Milenko Nedelkovski ka një teori tjetër.
Sipas Nedelkovskit, kundërshtar i liderit të opozitës Zoran Zaev, në Kumanovë janë vrarë “katër terroristë amerikanë e britanikë që janë sjellë aty nga baza ushtarake BondSteel në Kosovë”.
Nedelkovski shprehet se menjëherë pas ngjarjes ku humbën jetën dhe u plagosën dhjetëra persona, ishin ambasadorët perëndimorë të cilët nisën shantazhimin e qeverisë maqedonase.
Madje, sipas tij ata nuk kërkuan zbardhjen e ngjarjes apo gjetjen e përgjegjësve, por kërkuan që të mos publikohej fakti se ishte ambasadori britanik ai që organizoi këtë grusht shteti.
Sipas Nedelskovskit ambasadori britanik Jess Bailey përgatiti grushtin e shtetit disa muaj më parë në Turqi dhe të njëjtën gjë tentoi të bënte edhe në Maqedoni.
“Ambasadorët perëndimorë”… nxituan që të takohen me presidentin Ivanov dhe kryeministrin Gruevski, që t’i shantazhonin, që të insistonin, që të kërkonin, që t’i urdhëronin.Por kërkesa kryesore ishte që gjyqi të mos e bëjë publik emrin e ambasadorit britanik në organizimin e këtij grusht-shteti”. shkruan gazetari në rrjetet sociale