Ka dhe një alternativë tjetër për të vrarët në Kumanovë. Kështu, gazetari Milaim Zeka i cili ka qëndruar në Kumanovë ka shprehur dyshime se në përleshjen e armatosur në Kosovë janë vrarë vetëm 3 veta, ndërsa të tjerët janë emigrantë ilegalë sirianë dhe afganë. Këto zëra kanë shtuar dilema se sa mund të jetë numri i personave të vrarë në Kumanovë, dhe se përse po vonohet procesi i identifikimit nga autoritetet maqedonase.
Ministria e Brendshme dhe Prokuroria publike informuan se po vazhdon identifikimi i viktimave të tjera nga radhët e grupit të armatosur. Sipas autoriteteve, në përleshjet e së shtunës janë vrarë 14 pjesëtarë të grupit të armatosur, ndërsa në anën e policisë u vranë 8 pjesëtarë të forcave speciale dhe 37 të plagosur.
