Mbremë në Top Story, gazetari italian Dario De Luca, duke folur për atë çka është publikuar në mediat italiane për dosjen e Habilajve, thotë se sipas tij nuk ka supozime për një hetim të ish-ministrit të Brendshëm, Saimir Tahiri. Madje ai thotë se nuk ka fakte që implikojnë ish-ministrin Tahiri.
Më poshtë intervista e shkurtër e gazetarit italian me gazetaren e Top Channel:
Top Channel: Nga përgjimet, nga ajo që ju dini, rezulton se duhet të jetë nën hetim edhe Saimir Tahiri.
Dario De Luca: Duke lexuar aktet e hetimit, sipas meje s’ka supozime për një hetim. I referohen atij në dy raste, por Saimiri që citohet në një pasazh tjetër është një kamionist. Nuk dihet asgjë se për çfarë detyrash.
Top Channel: Vetëm dy herë?
Dario De Luca: Po. Saimiri citohet në letrat e hetimit në disa pasazhe.
Top Channel: Për të qënë sa më specific, ish-ministri dmth?
Dario De Luca: Po, ish-ministri. Ai citohet në disa pasazhe. Në njërin pasazh, u referohen parave dhe ata thonë Saimir, flasin për Saimirin dhe sipas Guardia Di Finanzia, ky Saimiri është ish-ministri. Në një pasazh tjetër, i referohen gjithnjë këtij emri, por identifikohet si një kamionist, shoferin e një kamioni.
Top Channel: Është ai?
Dario De Luca: Nuk duhet të jetë ai.
a.ç
