Gati 5 muaj pas arrestimit te Moisi Habilajt, arrestim i cili solli nje furtune politike ne vend, pasi ne dosjen hetimore te Italise, rezultonte i permendur dhe emri i ish-ministrit te Brendshem Saimir Tahiri, Real Story ka sjellë detaje te reja ne lidhje me kete dosje.
Gazetari italian, Dario De Luca, gazetar i meridionews, deklaroi se referuar deklaratave të Moisi Habilajt në hetuesi, ai ka mohuar kategorikisht përfshirjen e ish-ministrit në trafikun e drogës. Ai ka pranuar se ka lidhje të largëta farefisnore, por veç kaq, shkruan javanews
Sipas gazetarit italian, deri tani nuk ka asnjë provë që implikon ish-ministrin
“Moisi Habilaj ka folur me prokurorët. Ai është pyetur për marrëdhëniet me ish-ministrin Tahiri. Ai ka përjashtuar përfshirjen e ish-ministrit në çështjen e tij. Ai ka pranuar në mënyrë të pjesshmë, se vetë ka lidhje me trafikun e drogës, ai ka pranuar përgjegjësitë e veta, por ka përjashtuar implikimin e ish-ministrit Tahiri”, deklaroi gazetari Dario De Luca
Gazetari italian deklaroi se Habilaj ka pranuar se i ka blerë në të zezë makinën ish-ministrin.
“Habilaj ka deklaruar se ka lidhje farefisnore me Tahirin, por ka thënë se është shumë e largët. Ai është pyetur edhe për audin e ish-ministrit. Moisi Habilaj ka deklaruar se shitja është bërë në të zezë, pa një kalim pronësie të rregullt”
Dario De Luca deklaroi se edhe Nazer Seitaj është marrë në pyetje nga prokurorët. Ai shtoi se mund te kemi edhe nisjen e nje hetimi te dyte, shkruan javanews
“Seitaj është marrë në pyetje. Ai mund të jetë brenda një drejtimi tjetër të hetimeve. Banda e Habilajve është e lidhur me disa grupe siçiliane. Njëri prej tyre ka bashkëpunuar me policinë. Mendojmë se mund të jetë edhe persona të tjerë të përfshirë në hetim. Mund të kemi një hetim të dytë, pas pendimit të një të arrestuari nga Italia. Nazer Seiti mund të përfshihet në këtë dosje të dytë”
javanews.al/a.ç
