Gazetarët shqiptarë të bllokuar nga pala greke, ja si reagoi eurodeputeti Fredi Beleri

Ekipet e mediave shqiptare, përfshirë A2 CNN dhe Tv Klan prej disa orësh tashmë mbeten të bllokuar në doganën e Kapshticës.

Pala greke iu ka mbajtur përkohësisht pasaportat gazetarëve dhe operatorëve, duke i ndalur udhëtimin drejt Selanikut, ku parashikohej të ndiqnin takimin e kryeministrit Edi Rama me emigrantët shqiptarë që zhvillohet nesër në Porto Palace Hotel, duke nisur nga ora 11:00.

Gazetarja e A2 CNN, Fjorela Beleshi teksa sqaroi situatën në një lidhje live me “Ditarin e Fundjavës”, nga Erion Dushi, tha po ashtu se ka pasur një komunikim telefonik me eurodeputetin grek, ish-kryebashkiakun e zgjedhur të Himarës, Fredi Beleri.