Edhe një gazetë holandeze publikoi sot një ”letër dashurie” me tone të sinqerta e mjaft të ndjera adresuar britanikëve duke iu drejtuar lutjen për qëndrim në Bashkimin Evropian (BE), një ditë pas sloganit “Brexit” publikuar nga e përditshmja më popullore britanike ”The Sun”.
“Jo vetëm ju duam përzëmërsisht, por kemi nevojë për ju. Kush tjetër përveçse jush na inkurajon për të ecur në drejtimin e duhur në këtë kontinent të trazuar siç është ky i yni”, shkruan ”De Algemeen Dagblad” në gjuhën angleze në një format me dy gjuhë.
“Një Bashkim Evropian pa Britaninë e Madhe do të ishte si një filxhan çaji pa qumësht. Atëherë, ju lutemi qëndroni. Qëndroni me ne”, vijon të lutet e përditshmja.
”Në pozicionin e xhaxhait tuaj të vjetër holandez, ne e ndjejmë t’ju themi se nuk është një ide e mirë largimi nga BE-ja”, thotë gazeta. (java / r.a)
