“Njerëz të babëzitur për para, padrejtësitë dhe ringjallja e të harruarve… Karl Marx i ka parë të gjitha! Çfarë mund të mësojmë nga ai, pavarësisht marksizmit.”
Ky është nëntitulli i faqes së parë së të përjavshmes prestigjoze gjermane “Zeit”, i cili në krye ka vënë kryetitullin… “A kishte të drejtë Marx?”
Zeit shkruan për rikthimin e Marx dhe për leksionet që mund të përfitojmë prej tij, në kohën e dështimit të Clintonit përpara Trump, populizmit të Presidentit të SHBA-ve për të fituar votën e të mundurve, klasës së varfër dhe gjithë asaj pjese të shoqërisë që ndihet e harruar dhe e indinjuar nga estabilishmenti.
Shkrimi është një reportazh që kujton kohën e filozofit dhe njërën ndër “mushkëritë e zeza” të Gjermanisë industriale, zonën e Ruhrit, ku kapitalizmi dhe puna e ngratë e punëtorëve të çelikut e karbonit shihej me sy zhveshur…
Shkrimi nxjerr në pah vlerat e mëdha që mund të përftohen nga Marxi si ekonomist dhe jo nga ai me të cilin identifikohet rëndom, si babai i komunizmit.
Artikulli i vë theksin gjithashtu edhe faktit se shtresat e indinjuara nga estabilishmenti, që prej dekadash kanë votuar majtas, tashmë po “konvertohen” në votues të djathtë… dhe rasti i votave që mori Trump është një shembull prefekt të cilit i referohet shkrimi i Zeit.
Duke shkuar dhe tej e anasjellta, ku në shkrim citohet Hans-Ëerner Sinn, ekonomisti i njohur liberal që citon Marxin dhe i jep të drejtë atij për shumë aspekte.
/java/a.k
