Maurizio Sarri, Gian Piero Gasperini dhe Rudi Garcia janë në listën e Milanit për zëvendësimin e Gennaro Gattuso, por Antonio Conte është ëndrra e Rossonerëve.
Sipas mediumit italian Gazzetta dello Sport, Gattuso ka humbur mbështetjen e bordit drejtues të Milanit pas eliminimit të tyre nga Kupa e Italisë nga Lazio të mërkurën.
Kështu, Rossonerët kanë hartuar një listë me emrat e trajnerëve që planifikojnë të tentojnë t’i marrin në vend të Gattusos nëse nuk arrijnë të përfundojnë këtë sezon në katërshe.
Sarri i Chelseat, Gasperini i Atalantas dhe ish-trajneri i Romës, tani i Marseille, Garcia, janë emrat real që drejtuesit e Milanit mund t’i synojnë.
Trajneri i Arsenalit, Unai Emery dhe ai i Tottenham Hotspur, Mauricio Pochettino shihet si emra sugjerues.
Megjithatë, GDS vëren se zgjedhja e parë apo ëndrra e Milanit është Conte, edhe pse ata mund të përballen me konkurrencë nga Roma, Interi dhe Juventusi.
g.kosovari
