Sprintieri amerikan Justin Gatlin ka arritur të thyejë rekordin botëror të 100 m të Usain Boltit, por me pak ndihmë. Një televizion japonez kishte ftuar atletin e famshëm Justin Gatlin për të provuar të thyente rekordin botëror të 100 m që mbahet nga xhamajkani Usain Bolt, shkruan Albeu.com.
Amerikani arriti të shënonte kohën 9.45 sekonda, që është më e mirë se 9.58 sekondat e regjistruara nga Bolti në vitin 2009, por ky rekord nuk do të merret në konsideratë pasi për ta arritur atë, Gatlin pati ndihmën e disa ventilatorëve të mëdhenj që i dhanë shtysë.
Për të marrë pjesë në spektaklin televiziv japonez, Gatlin u pagua 25 000 dollarë. Koha më e mirë që ka arritur Justin Gatlin në 100 metra është 9.74 sekonda.
