Ministria e Bujqësisë ka përgatitur plotësisht projektin për Bursën e prodhimeve bujqësore, e cila do të ngrihet në Lushnje.
Burime nga ministria e Bujqësisë bënë të ditur se, bursa e parë bujqësore që do të hapet në vend, do të prezantohet këto ditë në Tiranë, në një takim me ekspertë të fushës dhe aktorë të tregut.
Ajo do të jetë një platformë e balancuar e çmimeve mbi bazën e ankandeve. Këto çmime do të bëhen publike edhe përmes televizioneve ekonomike, që janë të interesuara të publikojnë çmimet e referencës.
Ngritja e bursës së parë bujqësore shënon një hap të transformimit të madh të bujqësisë shqiptare dhe një zhvillim pioner në tregun financiar shqiptar, që i përgjigjet zhvillimit të vrullshëm bujqësor.
Bursa do t’ju vijë në ndihmë fermerëve duke i orientuar ata në çmimet e shitjes, blerjes dhe eksportet, për të parandaluar spekulimet. Ndërsa do të luaj në përcaktimin e importeve shqiptare bujqësore.
Sipas të dhënave zyrtare, në nëntë muajt e para të këtij viti, eksportet bujqësore shqiptare shënuan një rritje të dukshme, rreth 24 mijë tonë më shumë prodhime të eksportuara drejt tregjeve rajonale dhe atyre të Bashkimit Europian, në krahasim me një vit më parë.
Ndërkohë që shifrat pozitive nga ky sektor pritet të rriten deri në fund të këtij viti./a.m.
