Policia e Fierit ka arrestuar ditën e sotme një 58-vjeçar.
Arrestimi ka ardhur pas kontrollit që i është ushtruar në banesë 58-vjeçarit dhe i është gjetur në banesë sasi e madhe me municion luftarak. Sipas informacionit në pranga ka rënë shtetasi I identifikuar me iniciale A. V., 58 vjeç.
Këtij të fundit i janë gjetur 5420 fishekë të ndara në 8 arka si edhe 1 kapele si ajo e Policisë së Shtetit.
“Iu gjet në banesë një sasi e madhe me municion luftarak, vihet në pranga poseduesi.
Specialistët për Hetimin e Krimeve në Komisariatin e Policisë Fier pas informacioneve të marra në rrugë policore se një shtetas në lagjen “Fermë Çlirim” posedonte municion luftarak, ushtruan kontroll në banesën e shtetasit A. V., dhe gjatë kontrollit shërbimet e Policisë gjetën dhe sekuestruan 5420 fishekë të ndara në 8 arka si edhe 1 kapele si ajo e Policisë së Shtetit.
Në vijim të veprimeve procedurale u bë ndalimi i shtetasit A. V., 58 vjeç, për veprat penale “Prodhimi dhe mbajtja pa leje e armëve dhe municionit luftarak” dhe “Mbajtja pa të drejtë e uniformës”,” thotë policia./m.j
