Projekti i një burse private shqiptare është dorëzuar në Autoritetin e Mbikqyrjes Financiare dhe pret miratimin nga ky institucion.
Nderkohë, që instrumentet e para të tregtueshme në bursë, si për shembull obligacionet apo dëftesat tregtare kanë filluar të emetohen nga kompanitë private.
Ekspertet shprehen se, ky fakt tregon që në tregun financiar ekziston si oferta, ashtu edhe kërkesa për instrumentet e bursës. Tashmë, ngelet vetëm që bursa e parë private të licencohet, duke ofruar një alternativë të re investimi në tregun e brendshëm financiar.
Sipas tyre individët kërkojnë alternativa me kthim më të lartë investimi, duke pasur parasysh se politika monetare stimuluese që po mbizotëron gjithë ekonominë europiane i ka ulur interesat e depozitave në minimumet historike.
Ky është momenti që ekonomia e ndjen më të nevojshme se kurrë ekzistencën e një burse./a.m.
