Deklarata e bërë ditën e sotme nga ambasadori i Shteteve të Bashkuara të Amerikës Donald Lu për kandidatë me të shkuar kriminale në zgjedhje, ka sjellë edhe reagimin e mazhorancës.
Duke folur në përfundim të mbledhjes së grupit parlamentar të PS, zëvendëskryeministri Niko Peleshi theksoi se mazhorancca po shikon me rigorozitet deklaratën e ambasadorit, si dhe listat e kandidatëve.
Peleshi tha se po bëhen përpjekje për të verifikuar historinë e kandidatëve. Megjithatë zëvendëskryeministri ka shmangur komentet në lidhje me shqetësimet e ngritura së fundmi nga deputeti socialist Ben Blushi.
“Do marrim me seriozitet çdo lloj sinjali në këtë drejtim. Patjetër që ka një proces nga ana jonë për të verifikuar pastërtinë apo historinë e çdo kandidati. Ne e kemi treguar edhe në zgjedhjet e kaluara që kemi një shqetësim të veçantë për të patur kandidatë me integritet të lartë”, tha Peleshi.
Nis mbledhja e grupit të PS
Në orën 13:00 ka nisur nisë mbledhja e rradhës e grupit parlamentar të PS-së. Ka një interes të jashtëzakonshëm për mënyrën sesi do të shkojë një mbledhje e tillë, sidomos pas pozicionimit gjthmonë e më të qartë kundërshtues të Ben Blushit.
Deputeti tashmë veteran socialist është vënë po të hënën, mbas publikimit të letrës së tij, në qendër të një kudnërsulmi nga taulant balla, një nga deputetët më pranë kryeministrit Rama. Tezat e Ballës, sipas të cilit, qëndrimi i Blushit është identik me atë të Berishës dhe vjen kundër PS-së pikërisht në periudhën para zgjedhjeve lokale, dëshmon më së shumti klimën zyrtare në PS.
Pritet që dhe në mbledhje të ketë debate të forta, ku kryesisht Blushi do të tentojë të përfocojë sulmin e tij. duhet thënë se ai së paku ka shënuar një fitore: tërheqjen e vëmendjes së opinionit publik dhe të medias.
Mbledhja e grupit parlamentar është nga të vetmit institucione në PS që vazhdon në mënyrë të rregullt. Veç të tjerash, Blushi ka kritikuar mosfunksionimin e institucioneve të tjera partiake si Asambleja Kombëtare apo kryesia e partisë.
Redaksia Online
(Javanews.al)
