Shqipëria do të ketë së shpejti, burgje me regjim të hapur ose siç njihen ndryshe “part-time”. Kjo do të thotë se një kategori të burgosurish, falë këtij koncepti, do të lejohen të dalin nga qelia në mëngjes dhe të kthehen në mbrëmje për arsye punësimi.
Ministria e Drejtësisë po përgatit një ligj të ri për burgjet, ku mes të tjerash parashikohet edhe nocioni i ri i “Burgje me me regjim të hapur.” Drafti i ri ka përfunduar së hartuari në variantin kryesor e po diskutohet për përmirësime ndërsa pritet që në periudhën shtator-tetor 2015 të dërgohet në qeveri dhe më pas në Kuvend.
Sipas tij këtij drafit, në nenin 2, thuhet se “në nenin 12 të ligjit aktual për burgjet, pas togfjalëshit “burgu I sigurisë së ulët”, shtohet togfjalëshi “burgu me regjim të hapur”, raporton Panorama.
Ky nocion i ri është futur me qëllim që pas miratimit të draftit në të gjitha hallkat, të zbatohet lejimi i daljes së të dënuarve nga qelitë për qëllime punësimi.
Një fakt i tillë ëhstë konfirmuar dhe nga Artur Zoto, Drejtori i Përgjithshëm i Burgjeve: “Burgje me regjim të hapur , – tha ai, -do të thotë që personat që kanë marrë një dënim nën 5 vjet ose personave që u kanë mbetur 2 vjet burg pa kryer nga e gjithë masa e dënimit, do të trajtohen me regjimin e burgjeve të hapura.”
