Një ndeshje për t’u harruar, por që në fund Gashi ka shënuar golin e nderit. Colorado Rapids është mundur me rezultat të thellë nga New York City, por shqiptari ka arritur të realizojë “golin e nderit”.
Ka qenë minuta e 92- të e takimit, kur miqtë kanë shënuar me anë të sulmuesit të Kombëtares shqiptare për rezultatin përfundimtar 5-1.
Kjo ka qenë një përballje mes skuadrave kryesuese të ligave respektive, ndërkohë që me këtë humbje skuadra e sulmuesit shqiptar ka thyer edhe serinë e ndeshjeve pa humbje.
Colorado Rapids ndodhet në vendin e dytë me 38 pikë në Ligën Perëndimore, ndërkohë që NY City kryeson atë Lindore me 36 pikë. Lampard ka hapur siparin e golave në takimin që Nju Jork Siti ka fituar përballë Kolorado Rapids me rezultatin 5-1.
Një ndeshje thuajse për t’u harruar për skuadrën e Shkëlzen Gashit, e cila nuk ka arritur për asnjë moment të rivalizojë një skuadër që në përbërje ka dy yje të futbollit si Andrea Pirlo dhe Frenk Lampard.
Panorama/d.i.
