Deputeti i Lëvizjes Bashkë, Redi Muçi, ka përjashtuar mundësinë që forca e tij politike të mbështesë një kandidat të opozitës për Bashkinë e Tiranës, edhe nëse ai vjen nga shoqëria civile, për sa kohë që në krye të Partisë Demokratike ndodhet Sali Berisha.
I ftuar në emisionin Quo Vadis të Pranvera Borakajt në “Vizion Plus”, Muçi theksoi se “çdo kandidat i opozitës në këto kushte është vetëm një vegël e Sali Berishës”.
“Në qasjen tonë, bekimi më i madh i Ramës është që në krye të PD është Sali Berisha. Kushdo qoftë kandidat i PD-së, nuk do të mbështetet nga Lëvizja Bashkë”, deklaroi Muçi.
Ai shtoi se nëse do të ndodhte një bashkëpunim i mundshëm me opozitën, kushti i vetëm i panegociueshëm do të ishte largimi i Berishës nga drejtimi i demokratëve.
Muçi rikujtoi se Lëvizja Bashkë garoi në zgjedhjet e vitit 2023 në Tiranë, duke marrë rreth 14 mijë vota, dhe theksoi se objektivi i saj është të shumëfishojë mbështetjen elektorale, duke mbajtur një qëndrim të qartë kritik si ndaj Ramës, ashtu edhe ndaj Berishës.
Deputeti u shpreh se pret surpriza në zgjedhjet e ardhshme, sidomos në Tiranë, duke përmendur shembuj nga vende të tjera ku, sipas tij, pavarësisht dominimit të një autokrati në nivel kombëtar, bashkitë janë fituar nga forca të tjera politike.
Vetem me monstren e vicidolit,kure zduhet te pranoni,asnji dhoje bashkepunimi,ai i sherben ortakut te tije k/hajdutit edvin kristaqit.Kta te dy,me kta,edhe monstra tjeter e cepanit,shkatrruan mashtruan,vollen e plackiten cdo pasuri te vendit.Plus detyruan shqiptaret te braktisin vendin,njekosishte,e quajtura drejtesi,ju sherben ktyre kriminelve,qe shkatruan te ardhmen e Shqipewrise.Large ktyre plehrave,e maskarejve te pa ngopur,e te pa shpirte,ndaje popullit.