Ka nisur mbledhja e Këshillit të Lartë të Prokurorisë për miratimin e kandidatëve për Prokuror të Përgjithshëm.
Kandidati që s’kualifikohet ka të drejtën të ankimojë brenda 5 ditëve në Gjykatën Administrative të Apelit.
Ndërsa kjo e fundit duhet të japë vendimin brenda 7 ditëve pas ankimimit të kandidatit për kryeprokuror.
Vendimi për vazhdimin ose jo të garës do merret nga KLP në bazë të kushteve ligjore që plotësojnë kandidatët.
“KLP do vlerësojë kandidatët që plotësojnë kushtet ligjore për të vazhduar garën për Prokuror të Përgjithshëm. Kandidati që s’kualifikohet sot mund të ankimojë në Gjykatën Administrative të Apelit për 5 ditë. Gjykata Administrative ka të drejtën të marrë vendimin për kandidatin brenda 7 ditëve të tjera”, deklaroi Gent Ibrahimi.
Në garë janë kryeprokurorja e përkohshme Arta Marku, prokurorët Olsian Çela e Fatjona Memçaj si edhe Lulzim Alusha, nga rradhët e avokatisë.
Pas shqyrtimi të dokumentacionit, KLP tha se Arta Marku dhe Fatjona Memçaj dhe Olsian Çela i plotësojnë kushtet ligjore paraprake për të vijuar garën.
g.kosovari
