Kryetari i Partisë Demokratike, Lulzim Basha në takimin e zhvilluar me qytetarët në Durrës, deklaroi se gara e brendshme është një vlerë e kësaj partie politike.
Po ashtu ai theksoi se nuk i njeh zgjedhjet e 25 prillit si legjitime dhe përfaqësuese të vullnetit të shqiptarëve.
“Dy përgjigje të qarta dhe të prera për dy pyetje që shtrohen e rishtohen. Kryetari i Partisë Demokratike nuk i njeh zgjedhjet e 25 prillit si legjitime dhe përfaqësuese të vullnetit të shqiptarëve. Kryetari i Partisë Demokratike e hedh poshtë me neveri bashkëpunimin me autorin e kësaj masakre dhe i ftoj të gjithë shqiptarët të na bashkohen në të vetmen rrugë që ka një shoqëri e civilizuar, e në veçanti një shoqëri që është nisur drejt destinacionit Europian”, deklaroi Basha.
Më tej Basha theksoi se kundërshtari i vetëm është regjimi Rama-Doshi, ndërsa shtoi se zgjedhjet e zhvilluara në 25 prill nuk kishin asnjë lidhje me demokracinë.
/b.h
