Gara për “Këpucën e Artë” po bëhet gjithnjë e më interesant këtë edicion.
Mohamed Salah vazhdon të jetë i pari me 30 gola, një më shumë se Lionel Messin, që hyri si zëvendësues në barazimin 2-2 me Celta Vigon, duke mos shënuar gol.
I treti renditet Ciro Immobile me 27 gola, që e ndan këtë pozitë me sulmuesin e Bayern Munich, Robert Leëandoëski, që gjithashtu ka shënuar 27. Top 5 e kompletohet Harry Kane, që numëron 26 gola.
Jonas me 33 gola, ka shënuar më shumë se gjithë të tjerët, por në Portugali një gol vlerësohet 1.5 pikë, për dallim nga top 5 ligat Evropiane, ku një gol vlerësohet 2 pikë, kështu që ai renditet i shtati.
Këtë xhiro Cristiano Ronaldo u ftua nga Zinedine Zidane dhe shpëtoi Realin nga humbja me Athletic Bilbaon në “Santiago Bernabeu” duke shënuar në fund për 1-1.
Portugezi shkoi në kuotën e 24 gola në La Liga, ai renditet i 9-ti sa i përket garës për “Këpucën e Artë, shkruan Gazeta Express.
1. Mohamed Salah | Liverpool | 30 gola (60 pikë)
2. Lionel Messi | Barcelona | 29 gola (58 pikë)
3. Ciro Immobile | Lazio | 27 gola (54 pikë)
4. Robert Lewandowski | Bayern Munich | 27 gola (54 pikë)
5. Harry Kane | Tottenham | 26 gola (52 pikë)
6. Edinson Cavani | PSG | 25 gola (50 pikë)
7. Jonas | Benfica | 33 gola (49.5 pikë)
8. Mauro Icardi | Inter | 25 gola (50 pikë)
9. Cristiano Ronaldo | Real Madrid | 24 gola (48 pikë)
10. Luis Suarez | Barcelona | 23 gola (46 pikë)/a.m.
