Gangsterët e mafies, të përjetësuar në filma
Në të gjitha listat e filmave më të suksesshëm e më të pëlqyer zor se ndodh ndonjëherë që të mos bëjë pjesë Kumbari, Na ishte një herë Amerika , Kazinoja etj. Të gjithë këto filma që subjekt kanë gangsterë e familje mafioze mbeten gjatë në skenat e televizioneve e mendjet e atyre që i shohin. Por pse janë krijuar aq shumë filma për këta gangsterë, një pjesë e madhe të cilëve kanë ekzistuar realisht? Sepse sipas shumë sondazheve dhe duke u bazuar në suksesin e filmave, ka rezultuar se meshkujt sidomos kanë një tërheqje të pashpjegueshme ndaj “kulturës gangstere”. Listën e gangsterëve më të mëdhenj të këtij shekulli e ka publikuar revista elektronike e meshkujve “Askmen”. Sipas kësaj reviste, që gangsterët të bëjnë pjesë në listë ata duhet të kenë pasur një ndikim domethënës në botën e mafies falë mënyrës së si bënin biznes. Ata duhet të kenë kryer veprimtarinë e tyre në SHBA dhe emri e jehona e tyre duhet t’i ketë rezistuar kohës. Të gjithë këta gangsterë që përfshihen në listë kanë pasur një aktivitet aq të larmishëm për sytë e veshët kuriozë të njerëzve, saqë të gjithë janë kthyer në personazhe filmash. Një prej atyre gangsterëve që është pasqyruar më shumë në filma është Al Capone. Filmat më të famshëm që kanë atë si subjekt janë: “Masakra e Shën Valentinit”, 1967, “Capone”, 1975, dhe “Të paprekshmit”, 1987, ku interpreton Robert De Niro.
Gangsterë të përjetësuar në filma
Al Capone:
Filmat më të famshëm që kanë atë si subjekt janë: “Masakra e Shën Valentinit”, 1967, “Capone”, 1975, dhe “Të paprekshmit”, 1987, ku interpreton Robert De Niro.
Lucky Lucianio:
Christian Slater ka interpretuar në rolin e Luciano-s në filmin “Gangsterët”, 1991, ashtu si dhe Bill Graham në “Bugsy”, 1991.
Carlo Gambino:
Al Ruscio e ka interpretuar tej mase bukur atë në filmin “Bosi i bosëve”, 2001. Ky personazh është shfaqur dhe në filma të tjerë si “Gotti”, 1996 dhe “Bonano: Historia e një kumbari”, 1999.
Frank Costello:
Costello është portretizuar më mirë nga James Andronica në seritë “Kronikat e një gangsteri” në vitin 1981, nga Costas Mandylor në “Gangsterët”, 1991, si dhe nga Jack Nicholson në “Të shkuarit”, 2006.
Meyer Lansky:
Personazhi i Hyman Roth në “Kumbari II” është i bazuar në Meyer Lansky-n. Personazhi i Lansky-t është interpretuar dhe nga Mark Rydell në “Havana”, 1990, Patrick Dempsey në “Gangsterët”, 1991, etj.
John Gotti:
Ai është interpretuar nga Anthony John Denison në filmin “Getting Gotti”, 1994 dhe Tom Sizemore në “Dëshmitarë të gangsterëve”, 1996.
Dutch Schultz:
Dustin Hoffman është i paharrueshëm në rolin e Dtuch Schultz në filmin “Billy Bathgate”, 1991, por edhe Tim Roth akoma më mirë në “Hoodlum”, 1997.
Joe Bonanno:
Bonano është subjekt i dy filmave: “Duaj, ndero & bindu: Martesa e fundit e mafies”, 1993 dhe “Bonano: Historia e një kumbari”, 1999.
Albert Anastasia:
Albert Anastasia ka qenë subjekt në filmin “Murder, Inc.”, 1960, ku interpretohej nga Howard Smith dhe në “Valchi Papers”, 1972 dhe “Lepke”, 1975.
Franc Lucas:
Franc Lucas në “Harlem” 1968, vjen i interpretuar nga Denzel Washington, i cili është në gjithnjë në gjurmimin e detektivit Richie Roberts.
