Një 23-vjeçar u arrestua nga Policia e Fierit pasi ushtronte aktivitin e paligjshëm të lojërave të fatit.
Në një operacion të koduar “Gambling” u arrestua M.S banues në Lushnje, ndërsa tre të tjerë janë në hetim në gjendje të lirë.
Në një lokal të marrë me qira, ai ushtronte aktivitin e lojërave të fatit.
Policia sekuestroi 2 aparatura elektronike të lojërave të fatit, 6 valixhe të mbushura me çipsa, 1 tavolinë pokeri si edhe 150 euro të dyshuara të falsifikuara.
Arrestimi i 23-vjeçarit u bë për veprat penale “Falsifikim i monedhave”, “Ruajtja ose depozitimi i mallrave kontrabandë”, “Fshehja e të ardhurave”, “Mospagim i taksave dhe tatimeve”, “Organizimi i lotarive sportive dhe “Vënia në dispozicion e lokaleve për lojëra të palejuara”.
Në kuadër të këtyre kontrolleve, u procedua penalisht për veprat penale “Organizim i lotarive të pa lejuara” dhe “Vënia në dispozicion i lokaleve për lojëra të pa lejuara” G.Ç, 44 vjeç, banues në Lushnje.
Në lokalin në pronësi të tij u gjetën 2 tavolina pokeri, 12 pako letra bixhozi, 3 njësi kompjuterike, 1 printer, 2 monitor, 2 tableta dhe 1 laptop.
Gjithashtu, u proceduan penalisht për “Fshehje të të ardhurave” dhe “Organizim të palejuar të lojërave të fatit” V.Gj, 29 vjeç, banues në Fier dhe G.B, 29 vjeç, banues në Fier.
g.kosovari
