Kryeministri Edi Rama ka nisur dje vizitën e tij 8-ditore në Shtetet e Bashkuara të Amerikës ku gjatë kësaj vizite janë parashikuar në axhendë një sërë takimesh. Ndalesa e parë për kryeministrin ka qenë forumin “World Leadership Forum 2015” ku kryeministri ka mbajtur edhe një fjalim.
Shefi i qeverisë shqiptare ka postuar në Facebook edhe fotogafitë e nisjes së vizitës së tij në SHBA.
“Mbrëmë në World Leadership Forum 2015 me ftesë të prestigjozes Foreign Policy Association, për të folur mbi politikën dhe artin përpara një audience të larmishme të pranishmish nga bota akademike, sipërmarrja, administrata. Ky ishte stacioni i parë i vizitës tetë ditore në New York në kuadrin e Asamblesë së Përgjithshme të OKB.” shkruan Rama
