Pas dëborës së rënë natën e Krishtlindjes, Korça është zbukuruar sërish dy ditët e fundit nga flokët e borës.
Qytetarët korçarë, por edhe vizitorë nga qytete të tjera të vendit ndodhen në qytetin juglindor për të shijuar bukurinë që ai ofron i mbuluar nga dëbora.
Pazari i Korçës është më i frekuentuari në qytet, ku të rinjtë fiksojnë në telefonat e tyre kujtime nga qyteti i serenatave.
Ndërsa të rinjtë e apasionuar pas sportit të skive kanë shkuar në Dardhë dhe Voskopojë, ku kalojnë orë të këndshme mes argëtimit dhe në shoqërinë e njëri tjetrit.
Dëbora i ka dhënë qytetit që tërheq mijëra turistë në të katër stinët e vitit, një bukuri për t’u admiruar.
/a.rada
