Kryetari i ri i Bashkisë së Tiranës, Erion Veliaj, u betua sot përpara Këshillit Bashkiak të Tiranës. Pas zhvillimit të procedurave të konstituimit të Këshillit Bashkiak, përfaqësues të grupeve politike në këshill pritën në ambientet e jashtme të Bashkisë së Tiranës drejtuesin e ri të kësaj bashkie. Kryetari i ri i Bashkisë së Tiranës, Erion Veliaj, pasi u betua, mbajti fjalën e parë si kryebashkiak, ku shprehu nevojën e bashkëpunimit me të gjitha palët për qytetin.
Pavarësisht se anëtarët e djathtë të Këshillit Bashkiak u larguan nga salla, sërish kryebashkiaku Veliaj shprehu keqardhje duke shtuar se kjo nuk do ta ndalojë që të punojë së bashku me opozitën për qytetarët.
