Skuadra turke, Galatasaray dhe trajneri i tyre i ri, Igor Tudor janë të etur për të bërë një ofertë për sulmuesin e Juventusit, Mario Mandzukiç. Sipas raporteve në Turqi, Galatasaray e shohin qendërsulmuesin kroat si një përforcim ideal për sezonin e ardhshëm.
Mandzukic do të jetë në gjendje të arrijë në Stamboll vetëm në qoftë se ata do të kualifikohen në Ligën e Kampionëve dhe tani Galatasaray janë në vendin e tretë pas Fenerbahces dhe Besiktasit liderë.
Klubi turk shpresojnë se premtimi i një vendi titullar në ekipin e parë në rolin e qendërsulmuesit dhe prania e bashkëkombësit të tij kroat, Tudor, mund të bindë Mandzukicin për të bërë një lëvizje në Stamboll, përcjell Telegrafi.
Kroati mbush 31 vjet në maj dhe është nën kontratë me Juventusin deri në qershor të vitit 2019.
Mandzukic ka 29 gola në 74 paraqitje për ekipin e parë të Kroacisë dhe u bashkua me Juven në vitin 2015 për një shifër prej 19 milionë eurove nga Atletico Madrid.
Edhe pse tani Mandzukic është titullar në formacionin e Juventusit, ai është duke u përdorur në një rol jo shumë të preferuar për të, pasi po luan mesfushor anësor i krahut të majtë, apo si mbështetës i dytë i sulmuesit Gonzalo Higuain.
Megjithatë, forma e tij është superiore pasi këtë sezon ai ka kontribuar në shtatë gola dhe pesë asistime në 33 ndeshje zyrtare për ‘Zonjën e Vjetër’, përgatiti ”Telegrafi”. (b.an)
