Pas katër vitesh largohet nga Shqipëria i prekur. “Pjesërisht kundërshtoj atë thënien e famshme – rrëfen Massimo Gaiani – nuk erdha në Tiranë duke qarë, por është e vërtetë që largohem me lot në sy”. Mandati i tij si ambasador i Italisë në Shqipëri mbyllet formalisht me 19 tetor. Prej 20 tetorit merr detyrën si Drejtor i Përgjithshëm i Globalizimit në Ministrinë e Jashtme në Romë.
Do të merret me energjinë, mjedisin dhe organizata ndërkombëtare me karakter ekonomik për Azinë, Amerikën Latine dhe Afrikën Sub Sahariane.
Ju pret një impenjim i bukur ambasador. Por në hartën e madhe të kompetencave tuaja të reja mungon pikërisht Shqipëria… – e pyet Shqiptarja.com
“Është e vërtetë, Europa është jashtë mandatit tim dhe si rrjedhojë edhe Shqipëria. Por nuk do të mjaftojë kjo për të ndërprerë marrëdhëniet e mia me këtë vend të mrekullueshëm”.
Duke folur për konsensusin sa i përket reformës në drejtësi, Gaiani shprehet:
“Konsensusi absolut është një faktor frenues, ndërkohë që duhet dialog dhe mirëkuptim. Kuorumi i lartë për të aprovuar një reformë kushtetuese është në vetvete një formë garancie. Më vjen mirë që pas një refuzimi në fillim, opozita po fillon të kundërshtojë ndonjë gjë, që është gjithësesi një shenjë pjesëmarrje”.
