FSHF ka nderuar disa nga figurat e futbollit shqiptar në vite, por në certifikatat dhënë protagonistëve ka pasur gafa të rënda.
Ylli Shehu, ish-sulmues legjendar i Partizanit në vitet ’80, ka marrë çmimin “Legjenda e futbollit shqiptar”.
Ai ka luajtur vetëm me ngjyrën e kuqe në Shqipëri, por në motivacionin e Federatës shkruhet se ka qenë lojtar i Tiranës.
“Për kontributin e dhënë si sulmues virtuoz me skuadrën e Tiranës dhe kombëtaren e Shqipërisë”, shkruan në çmimin e marrë nga Shehu, protagonist i Partizanit kampion më 1987, së bashku me Sokol Kushtën në sulm.
Ka qenë një gafë e përsëritur, pasi i njëjti motivacion ka qenë edhe për një tjetër ish-lojtar të madh të viteve ’70-’80, Andrea Marko.
Mesfushori ka luajtur me Dinamon në karrierën e vet të trazuar, ndërprerë brutalisht më 1986 për arsye biografike, por edhe për të motivacioni thotë se ka luajtur me Tiranën.
JavaNews/D.I.
