Për të forcuar sulmin e tyre, Barcelona ka vendosur të mbështetet në përvojën dhe aftësitë e Gabriel Jesus.
Klubi katalanas finalizoi negociatat me Arsenalin për të marrë brazilianin për afërsisht 10 milionë euro plus bonuse.
Nënshkrimi i ri i Barcelonës ka deklaruar:
“Do të përpiqem të flas spanjisht, pasi kam mësuar diçka nga Guardiola dhe shokët e mi të ekipit. Negociatat ishin të shpejta. Edhe pse kam pasur dy vite të vështira, të gjithë më njohin mua dhe cilësitë e mia. Jam i emocionuar që jam këtu. Falënderoj Decon dhe presidentin për mundësinë”.
Më pas ai foli për ekipin e tij të ri:
“E pashë ndeshjen kundër Rayos dhe ishte hera ime e parë në Camp Nou. Mezi pres të luaj, të kontribuoj dhe të jem me shokët e mi të rinj të ekipit, të cilët kanë kaq shumë cilësi”.
“Kam kaluar dy vite të vështira me një dëmtim në gju. Nuk luajta për një vit. Tani gjithçka ka mbaruar dhe jam në formë të shkëlqyer. Pas dëmtimit, kam luajtur mirë te Arsenali”.
Për pozicionin e tij në fushë:
“Nuk e kam diskutuar ende me trajnerin, por kam luajtur në pozicione të ndryshme në karrierën time. Jam këtu për të ndihmuar”.
Lidhur me thashethemet rreth Alvarez, ai tha:
“Të qenit zgjedhja e dytë nuk më shqetëson. Tani që kam mundësinë të luaj për Barçën, do të bëj më të mirën time dhe do të punoj shumë”.
Së fundmi, ai foli për shokët e tij të ekipit, duke thënë:
“Fola pak me Raphinhan kur u finalizua marrëveshja. Pastaj me Cancelon, mikun tim të dashur, dhe gjithashtu me Eric Garcian dhe Rodrin. Ata më thanë vetëm gjëra pozitive. Disa legjenda braziliane kanë luajtur te Barcelona”.
