Një ngjarje e rëndë ka ndodhur sot në gjimnazin “Janaq Kilica” në Fier.
Sipas informacioneve paraprake janë helmuar 7 nxënës në orën e laboratorit të kimisë.
Besohet se helmimi i tyre është shkaktuar nga një reaksion kimik pasi po kryenin eksperimente.
7 nxënësit janë dërguar me urgjencë në spitalin e Fierit dhe disa prej tyre kanë vështirësi në frymëmarrje.
Dyshimet janë praprake, por policia e cila ka shkuar në vendngjarje pritet të zbardhë çfarë ka ndodhur realisht.
Disa prej tyre janë dërguar me urgjencë në spitalin e Fierit dhe janë në gjendje të mirë shëndetësore.
“Janë paraqitur disa fëmijë dhe sanitarja e shkollës, me një shqetësim psiko-emocional, gjendje ankthi, dridhje trupi, vështirësi në frymëmarrje, nuk duken shenja të intoksinimit. Deri më tani situatën e kemi nën kontroll, gjendja është jashtë rrezikut për jetën. Është vështirë për t’u përcaktuar por nuk dimë se cfarë ka ndodhur në shkollë“, tha Lulzim Banushaj, toksikolog për Report Tv.
g.kosovari
