Flamur Noka, i cili zëvendësonte Spartak Brahon në krye të Komisionit të Sigurisë, ka ndërhyrë disa herë sot për të korrigjuar gabimet e deputetëve të tjerë gjatë fjalës së tyre.
Teksa po pyeste ministrin e Brendshëm Saimir Tahiri, anëtari i komisionit Asllan Dogjani u shpreh: Ne nuk na shqetëson përgjimi që bëhet nga institucionet ligjzbatuese të policisë
Flamur Noka e korigjon: Të Prokurorisë…
Më pas, deputeti Qefalia ndërhyri duke i kërkuar Nokës që “Visho të deklarohet në mënyrë teksative për pajisjen….”
-Taksative.., ndërhyri Flamuri
Qefalia: Po taksative, më fal
Noka: S’ka problem se të gjithë bëjmë gabime ortografike kur flasim.
Niveli i deputetëve të Komisionit të Sigurisë u përfol dhe në rrjete sociale.
“Turp per ata kryetare partie qe firmosin per deputete te tille ne parlament, qe jo vetem nuk kane nivelin bazik te formimit. por as lexojne ligjet e materialet qe lidhen direkt me punen e tyre ne komisionin e sigurise! Pyetje si te nje femije kurioz kopshti, ndersa pyetja “politike” ishte e njejta, thjesht perseritej nga secili! As ndopak fantazi per ta riformuluar ndryshe te pakten! Keta nuk jane perfaqesues te qytetareve, por thjesht pasqyra e kryetareve te tyre!”, shkruan një gazetare e njohur. Dhe jo vetëm se pse një kolege komenton gati të ngjashmen në rrjetin social Facebook.
“Ne gjithe kete shfaqje groteske qe po shohim live prej oresh, them me bindje se mund te mesosh shume per aftesite dhe kapacitetet e tyre nga menyra se si deputetet bejne pyetje, e po ashtu mund te mesosh shume edhe nga menyra se si i drejtohen njeri tjetrit apo atyre qe kane thirrrur per te raportuar.
Ah mjere ne per keta ligjvenes qe kemi”
Më i drejtpërdrejtë ka qenë dikush tjetër që shkruan; “Fundi i Botes, Muli jep leksione drejtshkrimore!!!!!!!!!!!!!!”
BW/d.i.
