Futbollisti iranian Amir Nasr-Azadani thuhet se mund të përballet me ekzekutimin për shkak të fushatës për të drejtat e grave në vendin e tij.
Sindikata e futbollistëve FIFPRO, organizata përfaqësuese mbarëbotërore për 65,000 futbollistë profesionistë, shkroi në Tëitter të hënën në mbrëmje:FIFPRO është e tronditur dhe e mërzitur nga raportet se futbollisti profesionist Amir Nasr-Azadani përballet me ekzekutimin në Iran pasi bëri fushatë për të drejtat e grave dhe lirinë themelore në vendin e tij. Ne mbështesim Amirin dhe bëjmë thirrje për heqjen e menjëhershme të dënimit të tij
Sipas IranWire, sistemi gjyqësor i Republikës Islamike po planifikon të vasë futbollistin 26-vjeçar për vdekjen e kolonelit Esmaeil Cheraghi dhe dy anëtarëve të Basij.
Irani aktualisht po përjeton protesta mbarëkombëtare që u shkaktuan nga vdekja e 22-vjeçares Mahsa Amini në paraburgimin e policisë në Shtator.
Sipas IranËire, Nasr-Azadani dhe dy të akuzuar të tjerë u shfaqën në televizionin shtetëror më 20 Nëntor, kur lexuan një rrëfim “të detyruar”. IranËire shtoi se ata e dinin se Nasr-Azadani, i cili më parë ka luajtur për skuadrat Rah-Ahan, Tractor dhe Gol-e Rayhan në Iran, ishte i pranishëm në protesta. Megjithatë, thuhet se ai kurrë nuk ishte afër zonës ku u vranë Cheraghi dhe dy anëtarët e Basij.
Kombëtarja iraniane në Kupën e Botës refuzoi të këndonte himnin kombëtar përpara ndeshjes hapëse me Anglinë më 21 Nëntor.
Kapiteni Ehsan Hajsafi ka thënë: Duhet të pranojmë se kushtet në vendin tonë nuk janë të përshtatshme dhe njerëzit tanë nuk janë të lumtur. Ne jemi këtu, por kjo nuk do të thotë se nuk duhet të jemi zëri i tyre ose nuk duhet t’i respektojmë ata. Çfarëdo që kemi është prej tyre. Duhet të luftojmë. Ne duhet të performojmë dhe të shënojmë disa gola. Shpresoj që kushtet të ndryshojnë sa i përket pritshmërive të njerëzve.
/a.r
