Erion Braçe mbetet fort i zëshëm me denoncimet e tij për futbollin shqiptar. Tashmë në rolin e zv.kryeministrit, fjala e tij ka më shumë peshë, sidomos kur akuzon.
Dje, në një postim të tij në rrjetet sociale, deputeti i PS foli me shqetësim të madh për evazionin fiskal në FSHF, për parregullsitë në deklarimin e pagave reale edhe nga klubet, duke paralajmëruar kallëzim penal.
Nuk ka vonuar dhe përgjigjia ndaj zyrtarit të lartë të qerverisë ka ardhur nga Andi Lila, që së fundi ka formuar Sindikatën e Futbollistëve Profesionistë Shqiptarë. Ai ka replikuar “flakë për flakë” me… tifozin e Partizanit:
“I nderuar z.Brace. Lexova me vemendje reagimin tuaj, ne te cilin here flisni si tifoz futbolli dhe here nga pozita e nje zyrtari shteti, fatkeqesisht jashte realiteti. Pa dashur te hyj ne replika pa vlere, jo vetem me ju, zoti Brace, por me asnje dashamires futbolli, por ne cilesine e Kryetarit te Sindikates se Futbollisteve Profesioniste Shqiptare shpreh keqardhje per paragjykimin qe i behet organizimit te sportit ne kete vend.
Politika ne Shqiperi dhe ne vecanti mazhoranca qeverisese, qe tashme eshte absolute ne cdo nivel qeverises, e ka pasur te gjithe mundesine qe te permiresonte statusin e futbollisteve ne vend nepermjet nje ligji qe do te sillte zhvillim ne kete sport ne teresi e per rrjedhoje do e bente edhe me atraktiv financiarisht dhe jo vetem, por deri me sot nuk ka bere asgje te tille. Z.zv.kryeminister: A nuk ka qene detyre e administrates tatimore qe te kontrolloje klubet e futbollit jo vetem per bilancet mizerabel, por edhe per pagimin e kontributeve shoqerore e shendetesore per futbollistet?
Perse z.Brace, politika kujtohet per futbollin vetem kur shkojme ne Europian apo fushata elektorale, ku premtimet asnjehere nuk mbahen? A e dini se te humburit e perhereshem nga mugesa e vullnetit politik jane FUTBOLLISTET. Eshte pikerisht mungesa e vullnetit politik, qe te futbolli profesionist te kete permiresime thelbesore, cka na beri ne si futbolliste te angazhoheshim ne themelimin e sindikates sone.
Do jemi ne Z. Brace, ne opozite me te gjithe politikanet, zeri i munguar i futbollisteve, qe te gjitha ato te drejta te munguara te mos neperkemben me apo te perdoren si “lende e pare” per statuse rrjetesh sociale. Keto te drejta te neperkembura do te behen patjeter realitet nepermjet trysnise qe ne vete do ushtrojme ndaj jush si klase politike si dhe kujdo tjeter qe deri dje i ka shkelur si pa te keq. Premtimet se ne “shtator” do behet ndyshimi nuk mund te jene lajme vere. Se pari duhet te caktoni vitin se ndoshta kalon si “100 diteshi” dhe se dyti keto draft-ligje duhet te jene drafte ligjore te miremenduara”.
g.kosovari
