Një futbollist 32- vjeçar u dërgua me urgjencë në spital, pasi u qëllua në krah gjatë një ndeshjeje në Irlandë. Kjo ngjarje e çuditshme ndodhi gjatë pjesës së dytë të ndeshjes ndërmjet Junior B të Rearcross FC kundër Ballymackey FC.
Shtypi britanik raporton se lojtarët dhe spektatorët dëgjuan futbollistin e Rearcross FC duke bërtitur nga dhimbjet, para se të binte në tokë. Në momentin që u trajtua nga shërbimet e urgjencës në bar, ata kuptuan se futbollisti ishte qëlluar. Lojtari u dërgua në Spitalin Universitar Limerick dhe u lirua menjëherë, pasi lëndimet e tij nuk ishin serioze.
Policia ka rrethuar zonën përreth stadiumit, por ky incident me armë nuk po trajtohet si incident i bandës dhe nuk ka lidhje me ndonjë krim. Shtypi vendas raporton se mund të ketë qenë një goditje e humbur nga toka bujqësore aty pranë.
They are tough footballers in Rearcross FC, Tipperary – took a bullet from a stray gun to stop this legend during a NTDL game on Saturday evening. Thankfully he is alive and well, but daft hunters shooting weapons wildly like that needs to be curtailed in rural Ireland. #football pic.twitter.com/mUnMe5blUL
— Stephen Gleeson (@StephenGleeson_) January 7, 2024
