Futbollistët e Kukësit bojkotuan stërvitjen e së hënës shkak është bërë mos marrja e pagës për disa muaj. Ekipi përpara ka ndeshjen e Kupës së Shqipërisë me Apoloninë.
Lojtarët kishin zhvilluar përgatitjet në palestër, por nuk pranuan të shkonin në kompleksin stërvitor ku u paraqitën vetëm disa të rinj. Madje dhe përgatitjet e tyre nuk i drejtoi trajneri Orges Shehi, por ndihmësit e tij. Një situatë delikate, pasi futbollistët nuk paguhen prej muajit Shkurt, ndërsa të mërkurën Kukësi duhet të luajë ndeshjen e Kupës.
Zyrtarë të klubit nuk u prononcuan për këtë çështje. Një tjetër rast bojkoti për shkak të pagave të prapambetura pas atij të Vllaznisë para rinisjes së kampionatit.
Kukësi është ende në garë për titullin kampion dhe renditet i dyti 9 pikë pas Tiranës. Kur kanë mbetur edhe 6 javë mbyllja e Superligës një gjendje e tillë nuk e ndihmon ekipin që e humbi ndeshjen e fundit me Laçin.
