Sporti shqiptar në zi. Ndahet nga jeta ish-futbollist Lin SHllaku. Ish-kapiteni i Kombëtares shqiptare dhe Partizanit u nda sot nga jeta në moshën 78-vjeçare. Lajmi u bë publik nga Federata e Futbollit që do të organizojë nesër homazhet në orën 12.30 në nder të Shllakut.
Ceremonia do të mbahet në hollin Agjencisë Kombëtare e Sportit ( ish- klubi Dinamo) dhe do te vazhdoje për një ore. Ne oren 14:00, ai do te përcillet për ne banesën e fundit në Varrezat e Tufines.
Ndërkohë, Presidenti i FSHF Armando Duka nëpërmjet një mesazhi ka ngushëlluar familjen e ish-futbollistit.
“Thellesisht i trishtuar nga humbja e kapitenit tone te madh Lin Shllaku, me duhet qe kete lajm te keq, ta percjell tek ju, te dashur miq, shoke, rtifoze dhe dashamires. Humbja e nje futbollisti te madh krijon gjithmone boshllek. Por humbja e nje kapiteni dhe njeriu te paharruar si ai krijon nje boshllek te madh”- ka shkruar nder te tjera ne ngushellimin e tij, Presidenti Armand Duka. Pasi ka vleresuar rolin e Lin Shllakut dhe kontributin e tij ne zhvillimin e futbollit shqiptar, ai eshte shpehur: “Ai dhe brezi i tij do te jene gjithmone nje frymezim per te rinjte dhe ata qe e duan futbollin. Familja humbi njeriun e shtrenjte, ndersa futbolli nje prej simboleve te tij”, citohet në mesazhin e Dukës.
Duka, ne emer te FSHF, ka vendosur edhe organizimin e homazheve për te ndjerin nesër në orën 12:30 në ish-ambientet e klubit Dinamo.
/a.m.
