Edhe pse është hapur, rruga drejt Iballës në Fushë-Arrëz është e vështirë dhe i ngjan një tuneli prej akulli. Trashësia e dëborës në rrugët e fshatit i kalon 70 cm. Gegë Bejtja, mjeku që prej 24 vitesh shëron të sëmurët e Iballës, ai njihet si hero në zonë. Telefoni i tij bie vazhdimisht.
“Është mjaft e vështirë të punosh këtu. Nuk është punë kjo, por mision”, thotë mjeku.
Përballjet me natyrën i kanë bërë më të fortë banorët e këtyre anëve. Ndërsa mjeku kërkon kushte më të mira në qendrën ku punon, banorët duan vetëm rrugë të hapura. Iballa numëron rreth 1800 banorë, të cilët në këto ditë u përballën me kushtet e vështira atmosferike dhe dëbora të arrijë lartësinë 2 metra./a.meta
