Partia Demokratike u investua fort në zgjedhjet për Bashkinë e Dibrës.
Ajo caktoi si kandidat një ish-zëvendësministër dhe deputet, përballë një mjeku.
Vetë Lulzim Basha qendroi për ditë të tëra në Dibër, duke takuar njerëzit shtëpi më shtëpi.
Bashkë me të, në Dibër vërshuan pothuajse të gjithë deputetët demokratë.
Fushatën e PS-së ndërkohë, e udhëhoqi ministri Damian Gjiknuri, ndërsa herë pas here u shfaqën edhe disa deputetë të PS-së.
Me numërimin e një pjesë të mirë të kutive, duket se kandidati socialist Muharrem Rama po shkon drejt një fitoreje të sigurtë.
Këtë e pranojnë edhe vetë njerëz pranë PD-së.
Ai kryeson thellë përballë Shehut, ndërkohë që PD priste të kundërtën edhe prej faktit se në zgjedhjet e 2015, Shukri Xhelili kishte fituar vetëm me 200 vota diferencë.
Rama ka arritur të fitojë madje edhe në bastione të PD-së.
Nëse rezultati do të konfirmohet, kjo do të ishte një goditje e rëndë për PD-në, që nga Dibra pretendonte se do të ngrihej më pas gjithë Shqipëria kundër kësaj mazhorance.
Por, kjo do të ishte edhe një humbje e rëndë personale e Lulzim Bashës.
Kjo, duke qenë se ai, kryetar partie, u angazhua personalisht dhe u ngujua për ditë me radhë në Dibër, për të siguruar fitoren e Shehut.
Por, nuk arriti dot të fitonte as përballë Damian Gjiknurit!
Tema/d i
