JAVANEWS/ Marrëveshja e sforcuar e 17-18 Majit mes kryeministrit Rama dhe kreut të opozitës Lulzim Basha, pasoi një periudhë qetësie të çuditshme dhe të paprecedentë në politikën shqiptare. Retorika e dhunës dhe rreziku për të shuar në zgjedhje pa opozitën i lanë vendin një periudhe ku duket se të gjiothë mbetën të kënaqur, përjashto ndonjë subjekt të vogël politik. Por, detajimi i marrëveshjes Rama-Basha, nxori në dritë pakënaqësitë tek aleati 4-vjeçar i PS, Lëvizja Socialiste për Integrim. Në fillim reagimet e saj u dukën më tepër si xhelozi, apo mungesë besimi për faktin se nuk ishin pjesë e tryezës që i dha zgjidhje krizës, dhe më pas siç rezulton, kjo forcë po e interpreton marrëveshjen si tentativë për të shpërbërë LSI-në. Pas marrëveshjes, kjo forcë u shpreh se u bë siç ata kishin propozuar: “qeveri besimi”, por nisja e efekteve nga ana e kësaj qeverie besimi që po largon zyrtarë që përfshihen në fushatë duket se e gjeti të papërgatitur partinë e akuzuar nga të mëdhenjtë si forca që bën trafik votash. Këtë e tha gjatë një takimi elektoral kryeministri Rama, edhe pse jo në mënyrë të drejtëpërdrejtë. Ndërkohë, kreu i PD Basha nuk ka kursyer tonet e ashpra në mënyrë të drejtëpërdrejtë ndaj LSI-së dhe presidentit të zgjedhur. “SHPK-ja jote do të shpërbëhet”, i’u drejtua Basha presidentit të zgjedhur të cilin e quajti “tregtari i Vendikut”.
Qetësia e ditëve të para të fushatës tashmë i ka lënë vend tensioneve që vijnë nga deklaratat e forta dhe akuzat nga ana e LSI-së. largimi i disa zyrtarëve të emëruar prej saj në drejtori të rëndësishme për përfshirje në zgjedhje, nuk janë kapërdirë nga kjo forcë, aq sa kompromisin Rama-Basha që e kërkuan për 3 muajt e çadrës, tashmë e cilësojnë mjaft të rrezikshme për vendin.
Tashmë, nga retorika dhe akuzat, përplasjet kanë agravuar në një tjetër nivel, në përballje përballë ligjit. Në kulmin e tensioneve kanë nisur tashmë edhe sulmet me padi mes palëve. Vetëm gjatë ditës së sotme, janë iniciuar të paktën 3 padi. Administratori i njësisë nr.2 në Tiranë Elez Gjoza, i cili vjen si emërim i LSI, u kallëzua penalisht nga policia në prokurorinë e rrethit. Ai akuzohet për “korrupsion zgjedhor” pasi nga viti 2013 e në vijim, ka rregjistruar fiktivisht rreth 60-70 shtetas shqiptar, të cilët janë rregjistruar me të njëjtin kod banimi në banesën në pronësi të tij. Gjoza dhe Luan ranma shpërthyen në akuza nga selia e LSI. Administratori deklaroi se kjo çëështja i përket periudhës para 2013-ës dhe është mbyllur një herë. Ndëkorhë Luan Rama akuzoi drejtorin e policisë Çako se është peng i bandave të drogës. Pas kallëzimit nga policia, Gjoza paralajmëroi nga ana tjetër se edhe ai do t’i përgjigjet uniformave blu përmes një padie.
Ndërkohë, po sot, është iniciuar një tjetër padi, këtë herë nga ana e ish-ministres së PS Lindita Nikolla. Ai i’u drejtua Gjykatës ku ka paditur për “shpifje” kreun e LIBRA-s ben Blushi. Blushi e ka akuzuar në të shkuarën Nikollën për “korrupsion”, duke përfituar nga diplomat e studentëve. Por, këto nuk janë paditë e vetme gjatë fushatës. Dhjetëra zyrtarë të larguar nga detyra për përfshirje në fushatë dhe korrupsion zgjedhor, kanë nisur procedurat për të paditur firmosësit e këtyre urdhrave. Nëse në këtë fushatë incidentet e dhunshme kanë munguar deri tani, ndryshe nga zgjedshjet e shkuara, me siguri kjo do të mbahet mend si fushata e padive./JAVANEWS/Andi Malasi