Pas ankesave në portalin qeveritar “Shqipëriaqëduam”, Ministria e Drejtësisë ka shkarkuar 46 zyrtarë.
Zyrtaret e shkarkuar jane kryesisht në Hipoteka, por edhe në agjencinë e ALUIZNI-t.
Ministrja e Drejtësisë Gjonaj përmes një deklarate për mediat u shpreh se 46 punonjës janë shkarkuar, ndërsa 18 janë paralajmëruar dhe 29 të tjerë kanë marrë vërejtje, pasi nuk u kanë shërbyer qytetarëve.
“Ankesat e qytetarë janë zgjidhur brenda 10 ditëve. Por jemi të vetëdijshëm se ka ende punonjës që duhet t’i identifikojmë dhe t’i largojmë se bashku. Çdo kërkesë që ka lindur nga mos përgjegjshmëria e punonjësve të administratës, ka ndihmuar në largimin e tyre. Është kryer një analizë në këto muaj, që ka identifikuar punonjësit që kanë penguar zgjidhjen e kërkesave të qytetarëve.
Janë shkarkuar nga detyra 46 punonjës nga institucionet shtetërore, pjesa më e madhe e tyre në Hipoteka.
Është urdhëruar paralajmërimi për shkarkimin nga detyra për 18 punonjës të tjerë, të cilët në rast të një shkelje tjetër do të shkarkohen”, u shpreh ministrja Gjonaj.
“Platforma e Bashkëqeverisjes nxjerr përgjegjësine e qartë për zvarritjet e kërkesave të qytetarëve në zyrat e shtetit, falë ankesave të atyre që nuk bëhen palë me korrupsionin dhe nuk rrinë duarkryq, po denoncojnë rastin e tyre tek shqiperiaqeduam.al🇦🇱”, shkruan Rama, i cili ka publikuar live ne FB e tij deklaraten e ministres.
a.ç
