Pas largimeve në rangjet drejtuese në Hipoteka dhe AKU, tashmë radhën e ka OSHEE. Kreu i këtij institucioni Ardian Çela ka njoftuar largimin nga detyra të 11 drejtuesve rajonalë të OSHEE në qarqe.
Ai ka bërë ftesë për specialistët e këtij sektori të bëhen pjesë e konkurseve nga ku do të dalin drejtuesit e rinj. Të gjithë personat e interesuar kanë kohë deri në datë 6 Nëntor për të aplikuar për vendet e 11 drejtorëve rajonalë.
“Drejtorët rajonalë do të largohen nga detyra” konfirmoi Çela për mediat.
Po ashtu ai u pyet edhe në lidhje me tarifat e energjisë. Çela tha se predispozitat janë kundër rritjes së çmimit gjithsesi sipas tij janë në proces përllogaritjesh.
“Ne kemi nisur procedurën dhe jemi duke bërë llogaritje. Jemi të destinuar për të mos rritur tarifën e energjisë”, deklaroi Çela./a.m.
a.m.
