Edhe pse i jep energji të gjithë Shqipërisë, fshati Fierze kalon pjesën më të madhe të dimrit në errësirë, pasi linjat elektrike i përkasin viteve të elektrifikimit. Banorët e zonës disa herë e kanë ngritur shqetësimin, por asnjëherë nuk është marrë ndihmë për këtë çështje. Të mësuar me situatën, ata tani kanë vendosur të ndërhyjnë vetë për rikthimin e energjisë, duke rrezikuar jetën me rilidhjen e linjave, siç ndodhi edhe sot.
Prej 23 dhjetorit të vitit të kaluar, një pjesë e Fierzës ka mbetur në errësirë si pasojë e djegies së një bombine në kabinën nr. 2 të fshatit, duke shkaktuar edhe djegien e disa elektroshtepiakeve të familjeve që kanë mbetur në zonë.
Edhe pse banorët e zonës janë pjesë e bashkisë së Fushe-Arrezit, ata tregojnë se rrjeti energjitik mbahet nga OSHEE e Bajram Currit, nga e cila presin një ndërhyrje të menjëhershme, duke e konsideruar errësirën gjatë këtyre festave si një neglizhencë të papranueshme.
Si për ironi të fatit, Fierza, që i jep energji të gjithë Shqipërisë, vazhdon të mbetet fshati i errësirës./BW
