Ministri i Jashtëm rus Sergei Lavrov ka paralajmëruar vendet perëndimore se po “luajnë me zjarrin” duke furnizuar Ukrainën avionë luftarakë F-16 të prodhuar nga SHBA-ja.
Mediat e huaja, shkruajnë se kryediplomati është shprehur se Uashingtoni, Londra dhe satelitë të tyre në BE po përpiqen të dobësojnë Rusinë.
Më herët, Rusia kishte paralajmëruar kundër dërgimit të avionëve luftarakë F-16 në Ukrainë, duke thënë se masa do të ngrejë çështjen e përfshirjes direkte ushtarake të forcave të NATO-s të udhëhequra nga SHBA në luftë.
Fillimisht, presidenti amerikan Joe Biden kishte thënë se SHBA nuk do t’i siguronte Ukrainës avionët luftarakë F-16 të kërkuar nga Kievi.
