Dy automjete, mes të cilave një furgon me pasagjerë, u bllokuan në ujërat e lumit të Zallbastarit në Tiranë, si pasojë e vërshimit të lumit nga reshjet e dendura të rëna gjatë gjithë ditës.
Fatmirësish nga kjo ngjarje nuk pati persona të lënduar, pasi pasagjerët si të furgonit, ashtu edhe personat në automjetin tjetër, mundën të shpëtojnë pasi kanë dalë vet nga makinat.
Ministria e Mbrojtjes se drejtuar nga Olta Xhaçka deklaroi për rastin në fjalë, se një skuadër e Kërkim Shpëtimit dhe një kamion i kalueshmërisë së lartë të Forcave të Armatosura janë nisur për t’i ardhur në ndihmë dy mjeteve të cilat janë bllokuar në Zallbastar. Gjithashtu, në përforcim është nisur edhe një kontigjent nga Forcat Speciale dhe Komando po në Zall Bastar.
Ministrja e Mbrojtjes, Olta Xhaçka e cila shprehet e situata e përmbytjeve në vend është në kontroll dhe po monitorohet minutë pas minute.
“Po ndjekim minutë pas minute situatën në Gjirokastër dhe Zallbastar ku Forcat e Armatosura janë pranë komunitetit. Me bashkitë, prefekturat dhe të gjitha strukturat përkatëse në të gjithë vendin prej ditësh kemi informuar dhe koordinuar paraprakisht, për t’i paraprirë situatave të mundshme te shkaktuara nga reshjet e dendura. Jemi pranë qytetarëve për çdo nevojë të mundshme.
shkruan Xhaçka në një status në Facebook.
