Arrestohet nga policia shoferi i drejtorisë së Burgjeve që u aksidentua paraditen e djeshme në vendin e quajtur Qesarat. I arrestuari është 56-vjeçari me inicialet H.H.
Sipas policisë, duke drejtuar furgonin tip “Hyunday” në pronësi të Drejtorisë së Përgjithshme të Burgjeve, me të cilën punonjësit e policisë së burgjeve po kryenin transportimin e dy të paraburgosurve nga Tirana për në Sarandë u përplas me një makinë tip “Benz”, që drejtohej nga 60-vjeçari me inicialet S. Sh.
Për ngjarjen u arrestua 56-vjeçari, ndërkohë që u referuan materialet në Prokurori për 60-vjeçarin nga Memaliaj që drejtonte ‘Benz’-in.
Në furgon ndodheshin shoferi, gjashtë efektivë shoqërues edhe dy të paraburgosurit. Të dënuarit janë të paraburgosur tek 313-a në Tiranë, dhe po shkonin në seancë gjyqësore.
Polici Juljan Verbosha u dërgua me urgjencë në spitalin e Gjirokastrës, por pas marrjes së ndihmës së parë u pa e nevojshme që të transportohet në spitalin e Traumës në Tiranë.
Ndërkohë, dy të dënuarit Razit Haliti dhe Fatmir Çaushi pas ndihmës së marrë në spitalin e Gjirokastrës u shoqëruan për në burgun “Jordan Misja” në Tiranë. /e.s/
