Nga Ylli Pata
Iirjan Celibashi deklaroi mbrëmë në Real Story të Sokol Ballës se regjistrimi i emigrantëve për zgjedhjet e 11 majit është një senacion qoftë në aspektin sasior, apo edhe cilësor.
Sasior, se kemi të bëjmë me një numër të madh, afro 160 mijë vetë deri tani të regjistruar, që në vija të trasha janë 16 deputetë, e nga ana tjetër më shumë se gjysma e të regjistruarave i përkasin një moshe me pak se 40 vjeç. Pra shumica ka lindur jashte vendit, ose ka shkuar në moshë të vogël atje.
Këto të dhëna japin realisht një panoramë të rëndësishme që mund jo thjesht të ndryshojë, po të trondisë ekuilibrat politikë në vend. Në logjikën që ka fuqi vota e diasporës. Por sa kjo votë sipas të gjitha gjasave është jashtë orientimit apo llogaritjes së partive të mëdhaja?
Që do të thotë, shqetësimi i madh i PS dhe PD është se nuk arrijnë dot ta orientojnë apo patronazhojnë këtë votë.
Në këtë logjikë lind pyetja, për kë do të votojnë emigrantët tanë, sidomos të rinjtë që përbëjnë pjesën më të rëndësishme të atyre që janë regjistruar?
Sondazhe ka disa që janë publikuar, nga njëra anë, të cilat nuk janë të njëjtët si matja e perceptimit në Shqipëri, e cila ka rezultuar apo krijuar traditë ndër vite si përgjithësisht e saktë.
Në vija të përgjithshme mund të thuhet se ndryshimi sasior e cilësor i diasporës, i jep zgjedhjeve të 11 majit një surprizë apo pritje suprize. Por kjo jo për faktin se mund të votojnë për Sali Berishën. Pikërisht regjistrimi i moshës së re, që sipas gjasave ka lindur në Europë, jo vetëm nuk do të votojë për Sali Berishën, por gjasat janë që të japë një qëndrim kundër tij.
Celibashi tha se shumica e emigracionit që është regjistruar është ai në Itali e Greqi, ku pjesën e luanit e ka diaspora e ikur para vitit 1997 e më pas pjesa që u ndikua nga trazira e 1997.
Që do të thotë se kjo diasporë, nuk ka aspak ndërmend të sjellë Sali Berishën në pushtet, por nga ana tjetër, nuk përjashtohet, e madje do të ndodhë që të jetë aktive për të shfrytzuar hapësirën e listave për të nxjerrë deputetët që duan.
Deputetë që nuk janë në lista të sigurta në qarqet që këta emigrantë kanë të drejtë të votojnë, e nuk është pak. Madje është shumë, e sipas gjasave vota e emigrantëve do të jetë një revolucion, i cili sinjalin do t’a japë jo thjesht më 11 maj, por edhe në dy vitet e ardhshme.
Një sinjal që ne nuk e llogarisim dot se nuk ka ndodhur dhe nuk është zbatuar. Ka pasur vetëm raste kur seksionet politikë të PS-së, kyesisht në Greqi, në raste të caktuara kanë thirrur militantë që të vijnë e të votojnë në Shqipëri. Në qarqe të caktuara: Gjirokastër, Tiranë, Fier, por gjithsesi financimet nuk kanë qenë lumë sepse nuk i ka interesuar palëve.
Por vota në vendin ku jetojnë mund të sjellë një përmbysje. Thënë në aspektin aktual nuk është politike, pasi si fuqi kryesore opozitare kemi Berishën, megjithatë nuk është normale të flitet para zgjedhjeve. Por angazhimi i brezit të ri, madje atij më të fuqishëm nga 30-40 vjeç tregon se kemi të bëjmë një një zhvillim realisht të rëndësishëm, që askush sot nuk e parashikon dot kaq kollaj. Por pasoja e këtij votimi mund të rezultojë me të vërtetë bombastik.
