Një aksident i rëndë me pasojë vdekjen ka ndodhur në dalje të Fushë-Krujës, ku një automjet tip fuoristradë ka përplasur një 18-vjeçar, i cili po shtynte një automjet tip “Mercedes” që ishte fikur në mes të rrugës.
Viktima është identifikuar si Irdi Laci, i cili u transportua me urgjencë drejt Spitalit të Traumës në gjendje shumë të rëndë, por nuk arriti t’u mbijetojë plagëve të marra dhe ka ndërruar jetë.
Drejtuesi i mjetit tip fuoristradë është vetëdorëzuar në Komisariatin e Policisë Fushë-Krujë, ku po merret në pyetje për sqarimin e rrethanave të aksidentit.
Policia ka nisur hetimet për zbardhjen e plotë të ngjarjes dhe për përcaktimin e përgjegjësive.
